… i kam harruar. Kështu, ato që do t’jua tregoj merrni, kurse për të tjerat mos më ngushtoni me to. Pastaj tregoi: Një ditë, i Dërguari i Allahut u ngrit …
▾ Teksti i plotë▴ Mbyll
- “O gratë e Profetit! Ju nuk jeni si asnjë grua tjetër, nëse e keni frikë Allahun. ” - Këto janë disa këshilla të Allahut të Lartësuar për t’u pajisur me edukatë dhe virtyte të larta, drejtuar grave të Profetit ﷺ . Pa dyshim se të gjitha gratë e umetit duhet t’i zbatojnë këto porosi nga Zoti. Kështu, Allahu i Lartësuar u thotë grave të Profetit ﷺ se, nëse ato do të jenë të devotshme, ashtu sikurse Ai i urdhëroi, atëherë me to nuk ka për të qenë e barabartë asnjë prej grave të botës dhe askush prej tyre nuk ka për t’i arritur në gradën e lartë, që iu premtohet. - “Prandaj mos u llastoni në të folur… ” - Flitet për të folurën duke u përkëdhelur, kur u drejtohen burrave. - “... që t'ju lakmojë ai që ka sëmundje në zemrën e tij ...” - Ai që ka në zemër prishjen dhe imoralitetin. - “... por flisni me fjalë të matura. ” - Gjithmonë thoni fjalë të mira, sipas normave të bukura; fjalë në të cilat të mos ketë asnjë ngjyrim përkëdhelie, ashtu sikurse i flitet bashkëshortit. - “Dhe rrini qetësisht në shtëpitë tuaja ...” - Të mos dalin nga shtëpitë e tyre, përveçse kur e kërkon nevoja ose për raste të lejuara nga Sheriati, si për shembull, për
të shkuar në xhami. Megjithatë, namazi në shtëpi për to është më i vlefshëm sesa namazi në xhami, siç thuhet në hadithin që sjell Imam Ahmedi nga Ummu Humejd, gruaja e Ebu Humejd el Saidi, e cila shkoi tek Profeti ﷺ dhe tha: “Unë e dëshiroj shumë që të falem (në xhami) me ty.” Ai i tha: “E di që ke dëshirë të falesh me mua, por namazi në dhomën tënde është më i mirë për ty, se namazi në korridorin e shtëpisë tënde; namazi në korridorin e shtëpisë tënde është më i mirë se namazi në oborrin e shtëpisë tënde, namazi në oborrin e shtëpisë tënde është më i mirë se namazi në xhaminë e fisit tënd; namazi në xhaminë e fisit tënd është më i mirë se namazi në xhaminë time.” Ajo dha urdhër dhe ata i ndërtuan një faltore në pjesën më të futur të shtëpisë së saj dhe, betohem në Allah, atje vazhdoi të falej, derisa ndërroi jetë.” 167 Gruas i lejohet që të marrë pjesë në namazet me xhemat në xhami, por me kusht që të mos përbëjë shqetësim për burrat, duke shfaqur zbukurime të saj ose parfum e gjëra të tjera të ngjashme. Ibn Umeri (Allahu qoftë i kënaqur me të) tregon se i Dërguari i Allahut ka thënë: 2124. “Mos i ndalni robëreshat e Allahut prej xhamive të Allahut!” [Buhariu dhe Muslimi]. Ndërsa Ahmedi dhe Ebu Daudi shtojnë: “por shtëpitë janë më mirë për to.” 168 Ebu Daudi gjithashtu sjell hadithin nga Profeti ﷺ se: 2125. “Namazi i gruas në dhomën e saj është më i mirë se namazi në shtëpinë e saj. Namazi në shtëpinë e saj është më i mirë për të se namazi i saj në oborrin e saj.” Ky është një isnad i mirë. - “... dhe mos e shfaqni bukurinë tuaj ashtu siç shfaqej në injorancën e hershme!” - Në kohën e injorancës së hershme, kur gratë dilnin nga shtëpia, ecnin duke shfaqur delikatesë të tepruar, duke folur me zë joshës, të veshura në mënyrë të pahijshme, të zbuluara, për të tunduar meshkujt. Kështu, edhe pse hidhnin rrobën sipër kokës, ato nuk e vendosnin me kujdes, por zbulonin pjesë të trupit dhe prej tyre shiheshin zbukurimet që i kishin vendosur në qafë. Kjo lloj (zh)veshjeje u përhap mes grave të besimtarëve në atë kohë të shkuar, pra, në kohën e injorancës së parë, për të cilën flitet në këtë ajet. Ajo është koha mes Idrisit (a.s) dhe Nuhut (a.s), e cila zgjati njëmijë vjet. Ajo ishte koha kur u shfaq zhveshja dhe shfrenimi i parë mes grave dhe burrave. Të gjithë burrat dhe gratë mblidheshin dhe dëgjonin Iblisin, tek luante me një mjet muzikor, si fyelli që mbajnë barinjtë, i cili nxirrte një zë që njerëzit kurrë nuk e kishin dëgjuar. Iblisi shfaqej në formën e një djaloshi dhe i binte kësaj vegle, duke u bërë shkak që gratë dhe burrat të afroheshin për të dëgjuar. Më pas, kjo nxiste atë zhveshje, joshje të ndërsjelltë mes burrave dhe grave, derisa u përhap imoraliteti dhe poshtërsia. Pikërisht për këtë flet fjala e Allahut të Lartësuar, kur thotë: “...dhe mos e shfaqni bukurinë tuaj, ashtu siç shfaqej në injorancën e hershme!” Kjo është marrë me shkurtime nga shpjegimi i Ibn Abasit. - “Faleni namazin, jepni zekatin dhe bindjuni Allahut dhe të Dërguarit të Tij!” - Fillimisht, Allahu i Madhëruar i ndaloi ato nga sherri e ligësia, pastaj i urdhëroi për mirësi dhe pikërisht për kryerjen e një adhurimi të rëndësishëm, siç është namazi. Nuk ka dyshim që namazi është shprehje e adhurimit të Allahut të Lartësuar si një i vetëm dhe pa ortak. Pastaj, Allahu i urdhëron për dhënien e zekatit, që është nxitës për bamirësi ndaj krijesave. 169 Në vijim, Allahu i Lartësuar thotë: "... dhe bindjuni Allahut dhe të Dërguarit të Tij!” Pra, bindjuni porosive të Allahut dhe të të Dërguarit të Tij. Këtu kemi të bëjmë me përmendjen e diçkaje gjithëpërfshirëse, pasi është përmendur diçka e veçantë, e cila është pjesë e së parës. Kështu, bindja ndaj Allahut dhe Profetit, që është një urdhër i përgjithshëm, e përfshin namazin dhe zekatin, që janë pjesë e bindjes ndaj Allahut dhe Profetit ﷺ .170 - “Allahu dëshiron që të largojë nga ju, o familja e shtëpisë (së Profetit) papastërtinë e gjynaheve dhe t’ju pastrojë me
një pastrim të madh. ” - Ky ajet është një argument tekstual, që tregon se edhe gratë e Profetit ﷺ janë Ehlul Bejt , pra, njerëzit e familjes së Profetit ﷺ ,sepse ato janë shkaku i zbritjes së këtij ajeti dhe, pa dyshim, ato të cilat janë shkak i zbritjes së këtij ajeti bëjnë pjesë në këtë kategori. Sipas një mendimi, termi Ehlul Bejt tregon veçse gratë e Profetit. Ndërsa sipas mendimit tjetër, në këtë term përfshihen gratë e Profetit, së bashku me të tjerë. Ky i fundit është mendi - mi më i saktë në këtë çështje. Domethënë, në emërtimin Ehlu Bejt bëjnë pjesë gratë e Profetit ﷺ dhe të tjerët, që janë përcaktuar me argumente të ndryshme. Ibn Xheriri sjell nga Ikrima dhe Ibn Ebu Hatimi pohimin e Ibn Abasit, se ky ajet ka zbritur në mënyrë të veçantë për gratë e Profetit ﷺ .Ikrima ka thënë: “Kush dëshiron, le të bëjë mubâhale 171 me mua, nëse e kundërshton mendimin tim se ky ajet ka zbritur në mënyrë të veçantë për gratë e Profetit ﷺ ”.Nëse qëllimi i kësaj fjale të përcjellë prej tyre është që të tregojnë se shkaku për zbritjen e këtij ajeti janë vetëm gratë e Profetit dhe askush tjetër, ky është një mendim i saktë. Por nëse me këtë fjalë synohet të pohohet se me termin Ehlul Bejt emërtohen vetëm gratë e Profetit ﷺ e askush tjetër, atëherë ky është një pohim i cili duhet të rishikuar dhe rigjykuar, sepse janë sjellë hadithe të ndryshme, që tregojnë se termi Ehlul Bejt është një term më i gjerë dhe gjithëpërfshirës sesa th jesht dhe vetëm gratë e Profetit ﷺ . Muslimi sjell në Sahih-un e tij hadithin nga Jezid Ibn Hajani, i cili rrëfen: 2126. “Bashkë me Husejn Ibn Seburan dhe Omer Ibn Muslimin shkuam te Zejd Ibn Erkami. Pasi u ulëm pranë tij, Husejni i tha: “Ti o Zejd, ke parë mirësi të shumta, ke parë të Dërguarin e Allahut, i ke dëgjuar fjalët e tij, ke luftuar përkrah tij dhe je falur pas tij. Vërtet ke parë mirësi të shumta, o Zejd, ndaj, na trego diçka nga ajo që ke dëgjuar nga i Dërguari i Allahut!” Atëherë, Zejdi tha: “O biri i vëllait tim, kam kaluar shumë në moshë dhe iku koha ime, prandaj, një pjesë të gjërave që i mbaja mend nga i Dërguari i Allahut i kam harruar. Kështu, ato që do t’jua tregoj merrni, kurse për të tjerat mos më ngushtoni me to. Pastaj tregoi: Një ditë, i Dërguari i Allahut u ngrit dhe na mbajti një ligjëratë përbri një vendi me ujë, që quhej Hum, midis Mekës dhe Medinës. Ai e lavdëroi Allahun, e lartësoi dhe përlëvdoi Atë, pastaj ndër të tjera tha: “ ... vini re, o njerëz! Edhe unë jam një njeri. Në çdo kohë ka mundësi që i Dërguari i Zotit tim (meleku i vdekjes) të më vijë, e unë t'i përgjigjem, ndaj, po jua lë dy gjëra me peshë të rëndë: E para është Libri i Allahut, në të cilin gjendet udhëzimi dhe drita. Kapuni për Librin e Allahut dhe mbajuni fort për të.” Në vijim, na nxiti shumë që të merremi me Librin e Allahut, pastaj tha: “Familja ime! Ju këshilloj që ta keni frikë Allahun, në lidhje me familjen time! Ju këshilloj që ta keni frikë Allahun në lidhje me familjen time! Ju këshilloj që ta keni frikë Allahun në lidhje me familjen time (tre herë).” Husejni i tha: “Cilët janë “Ehlu Bejtihi’, o Zejd? A nuk janë gratë e tij prej familjes së tij? Ai tha: “Gratë e tij janë prej Ehlu Bejtit familjes, por Ehlu Bejti janë edhe pjestarët e tjerë të familjes së tij, madje janë edhe ata që e kanë haram marrjen e sadakasë, pas tij. Ai tha: “Cilët janë ata?” - “Ata janë Familja e Aliut, familja e Akilit, familja e Xhaferit dhe familja e Abasit, - Allahu qoftë i kënaqur me të gjithë ata!” Husejni pyeti: “Të gjithë këtyre u është ndaluar të marrin prej sadakasë, pas Profetit?” Tha: “po.” Imam Ahmedi sjell hadithin nga Enes Ibn Maliku, i cili rrëfen: 2127. “Profeti i Allahut kalonte pranë portës së Fatimes, - Allahu qoftë i kënaqur prej saj! - për 6 muaj rresht, sa herë që dilte për namazin e sabahut dhe thoshte: “Namazin, o Ehlu Bejt !” Pastaj shtonte: “Allahu dëshiron që të largojë nga ju, o familja e shtëpisë (së Profetit) papastërtinë e gjynaheve dhe t’ju pastrojë me një pastrim të madh.” Me një version të ngjashëm nga Abd Ibn Humejdi, dhe ky nga Afani, e sjell edhe Tirmidhiu, i cili thotë se është hadith hasen garib . Ibn Xheriri sjell hadithin nga
Ebu Hurejra, i cili përcjell nga Umu Seleme (r.a) rrëfimin: 2128. “Fatimja erdhi njëherë tek Profeti ﷺ me një berme (enë) të saj, në të cilën kishte gatuar aside (lloj ushqimi) dhe e mbante me një tabaka. Kur e vendosi atë përpara Profetit ﷺ , ai i tha: “Ku është djali i xhaxhait tënd dhe dy djemtë e tu?” Ajo tha: “Në shtëpi.” Atëherë, Profeti ﷺ tha: “Ftoji edhe ata.” Kështu, ajo shkoi tek Aliu (r.a) dhe i tha: “Përgjigjju Profetit ﷺ ,ti së bashku me dy djemtë e tu!”. Ummu Seleme (Allahu qoftë i kënaqur me të) vazhdon dhe thotë: “Atëherë, kur ai i pa duke ardhur, zgjati dorën tek një mbulesë, e cila ishte mbi vendin ku ai flinte, dhe ua shtroi atë. Pasi i uli ata mbi atë shtrojë, kapi katër cepat e saj dhe e ngriti mbi kokat e tyre. Pastaj tregoi më dorën e tij të djathtë lart, drejt Zotit të tij, dhe tha: “O Zot, këta janë Ehlu Bejti! Largo prej tyre ndyrësinë e gjynaheve dhe pastroji me një pastrim të madh!” Ai i cili mediton në Kuran krijon bindje të plotë se gratë e Profetit (a.s) bëjnë pjesë në Ehlul Bejt , siç thotë Allahu i Lartësuar: “Allahu dëshiron që të largojë nga ju, o familja e shtëpisë (së Profetit) papastërtinë e gjynaheve dhe t’ju pastrojë me një pastrim të madh.” Ajeti flet pikërisht për gratë e Profetit ﷺ ,prandaj dhe Allahu i Lartësuar thotë më pas: - “Kujtojeni atë që lexohet në shtëpitë tuaja nga ajetet e Allahut dhe urtësisë (traditës profetike dhe dispozitat e fesë) !” - Përkujtoni mes jush këtë mirësi të madhe me të cilën ju veçoi Zoti mes gjithë njerëzve. Shpallja e Zotit zbriste në shtëpitë tuaja dhe jo në shtëpitë e njerëzve të tjerë. Pa dyshim që Aishja, kjo e sinqertë, e zgjedhur, bija e të sinqertit, (Allahu qoftë i kënaqur prej tyre, at e bijë!) është e para që gëzon këtë prestigj. Ajo ishte gruaja më me fat, që stolisej me këtë mirësi që përmendet në ajet. Ajo ishte më e veçanta, më e zgjedhura, në lidhje me këtë mëshirë gjithëpërfshirëse, që do të zbriste përmes Shpalljes në ato shtëpi. Profetit ﷺ nuk i ka zbritur Shpallja në shtratin e ndonjë gruaje tjetër, veç shtratit të saj, siç është shprehur konkretisht për këtë vetë ai . Disa dijetarë (Allahu i mëshiroftë!) kanë thënë se Profeti ﷺ nuk është martuar me tjetër grua të virgjër, përveç Aishes, - Allahu qoftë i kënaqur me të! Për këtë arsye, është shumë me vend që ajo të veçohej me këtë mirësi mbi gratë e tjera të Profetit ﷺ . Sidoqoftë, duke qenë se gratë e Profetit meritojnë të jenë pjesë e Ehlul Bejt , mund të thuhet se farefisi dhe të afërmit e tij nga gjaku e meritojnë më shumë për të qenë në kategorinë Ehlu Bejt, siç thuhet në hadithin, që e sjell imam Ahmedi: 2129. “Shkova tek Uathile bin Eska’, kur tek ai kishte njerëz të tjerë. Ata përmendën diçka rreth Aliut. Kur u ngritën për t’u larguar, ai më tha: “A të të tregoj atë që e kam parë nga i Dërguari i Zotit?” - “Po.” Ai tha: “Shkova tek Fati - mja (Allahu qoftë i kënaqur me të!) dhe e pyeta për Aliun. Ajo më tha: “Prit, të vijë i Dërguari i Allahut!” Kështu, u ula dhe prita, derisa erdhi i Dërguari i Zotit, së bashku me Aliun, Hasanin dhe Huseinin. Ai i mbante për dore Hasanin dhe Husejnin. Kur hyri, ai e uli Aliun dhe Fatimen përpara vetes, ndërsa Hasanin dhe Husejnin i uli në prehrin e tij. Pastaj hodhi mbi ta rrobën e tij (ose tha: mbulesën e tij) dhe lexoi këtë ajet: “Allahu dëshiron që të largojë nga ju, o familja e shtëpisë (së Profetit) papastërtinë e gjynaheve dhe t’ju pastrojë me një pastrim të madh.” Pastaj tha: “O Zot, këta janë Ehlu Bejti dhe familja ime është më e denja!” Allahu qoftë i kënaqur me të gjitha gratë e tij dhe me të gjithë të afërmit e tij. Të gjithë ata janë Ehlu Bejt, pra, janë të gjithë “njerëzit e Familjes” së tij. - “Me të vërtetë, Allahu është shumë i Mëshirshëm dhe i Gjithëditur.”” - Allahu është i butë me ju. Butësia dhe mëshira e Tij për ju shfaqet në faktin se Ai ju vendosi në ato shtëpi, ku lexohen ajetet e Allahut dhe urtësia, pra, hadithet e Profetit ﷺ . Gjithashtu, Allahu i Lartësuar di gjithçka rreth jush, prandaj ju zgjodhi për të qenë bashkëshorte të Profetit të Tij. Thuhet, - shpjegon Ibn Xheriri, - se në këtë ajet, Allahu i Lartësuar u tregon grave të Profetit
mirësinë e Tij të madhe mbi to, që i bëri bashkëshorte të Profetit të Tij.