496
Hasen
Ubejdullah ibn Mihsan Ensari (Allahu qoftë i kënaqur me të!) transmeton se i Dërguari i Allahut ﷺ ka thënë: “Cilido prej jush që zgjohet në mëngjes i shëndetshëm në trupin e tij, i sigurt në shtëpinë e tij dhe ka ushqimin e ditës së tij, është sikur t’i jetë dhënë e gjithë bota.”
Transmetojnë Tirmidhiu dhe Ibn Maxhe
Shpjegimi dhe mësimet
Profeti ﷺ njoftoi se kushdo prej jush, o muslimanë, që zgjohet në mëngjes i shëndetshëm në trup, i ruajtur nga sëmundjet dhe lëndimet, i sigurt për veten, familjen, ata që i ka nën pronësi dhe rrugën e tij, pa pasur frikë, dhe ka furnizimin hallall të mjaftueshëm për atë ditë, është sikur t’i jetë mbledhur e gjithë bota.
- Ky hadithi sqaron se njeriu medoemos ka nevojë për shëndet, siguri dhe furnizim.
- Robi duhet ta falënderojë Allahun e Lartësuar dhe të tregojë mirënjohje për këto begati.
- Inkurajimi për të qenë i kënaqur me atë që të është dhënë dhe për të qenë asket ndaj kësaj bote.
Burimi: HadeethEnc.com
