90. Beled

لَآ أُقۡسِمُ بِهَٰذَا ٱلۡبَلَدِ

Betohem në këtë qytet!

وَأَنتَ حِلُّۢ بِهَٰذَا ٱلۡبَلَدِ

E ti je që gjendesh në këtë qytet!

وَوَالِدٖ وَمَا وَلَدَ

Betohem në prindin dhe në atë që lind prej tij!

لَقَدۡ خَلَقۡنَا ٱلۡإِنسَٰنَ فِي كَبَدٍ

Vërtet, Ne e krijuam njeriun në vështirësi të njëpasnjëshme.

أَيَحۡسَبُ أَن لَّن يَقۡدِرَ عَلَيۡهِ أَحَدٞ

A mendon ai, se atë nuk mund ta mposhtë askush?

يَقُولُ أَهۡلَكۡتُ مَالٗا لُّبَدًا

E thotë: "Unë kam shpenzuar shumë pasuri!"

أَيَحۡسَبُ أَن لَّمۡ يَرَهُۥٓ أَحَدٌ

A mendon ai se atë askush nuk e ka parë?

أَلَمۡ نَجۡعَل لَّهُۥ عَيۡنَيۡنِ

A nuk i dhamë Ne atij dy sy?

وَلِسَانٗا وَشَفَتَيۡنِ

Edhe gjuhë e dy buzë?

وَهَدَيۡنَٰهُ ٱلنَّجۡدَيۡنِ

Dhe i sqaruam atij për të dy rrugët.

فَلَا ٱقۡتَحَمَ ٱلۡعَقَبَةَ

E ai nuk u hodh në përpjetëzen (rrugë e vështirë - qafëmalit).

وَمَآ أَدۡرَىٰكَ مَا ٱلۡعَقَبَةُ

E ç'gjë të mësoi ty se ç'është Akabe (rruga e vështirë)?

فَكُّ رَقَبَةٍ

Është lirimi i një skllavi,

أَوۡ إِطۡعَٰمٞ فِي يَوۡمٖ ذِي مَسۡغَبَةٖ

Ose dhënia e ushqimit në kohën kur mbretëron uria:

يَتِيمٗا ذَا مَقۡرَبَةٍ

Ndonjë jetimi që është i afërt,

أَوۡ مِسۡكِينٗا ذَا مَتۡرَبَةٖ

Ose ndonjë të varfëri që e ka molisur varfëria.

ثُمَّ كَانَ مِنَ ٱلَّذِينَ ءَامَنُواْ وَتَوَاصَوۡاْ بِٱلصَّبۡرِ وَتَوَاصَوۡاْ بِٱلۡمَرۡحَمَةِ

E pastaj të bëhej prej atyre që besuan, që këshilluan njëri-tjetrin për durim dhe që këshilluan për mëshirë (për ndihmë).

أُوْلَٰٓئِكَ أَصۡحَٰبُ ٱلۡمَيۡمَنَةِ

Të tillët janë të zotët e anës së djathtë.

وَٱلَّذِينَ كَفَرُواْ بِـَٔايَٰتِنَا هُمۡ أَصۡحَٰبُ ٱلۡمَشۡـَٔمَةِ

Ndërsa ata që nuk i besuan argumentet Tona, ata janë të të majtës.

عَلَيۡهِمۡ نَارٞ مُّؤۡصَدَةُۢ

Kundër tyre është zjarri i mbyllur.