333
Sahih bi muxhmui turukihi
Berai (Allahu qoftë i kënaqur me të!) transmeton se i Dërguari i Allahut ﷺ ka thënë: "Kur takohen dy muslimanë dhe i shtrëngojnë duart, u falen mëkatet para se të ndahen.”
Transmetojnë Ebu Davudi, Tirmidhiu, ibn Maxhe dhe Ahmedi
Shpjegimi dhe mësimet
Profeti ﷺ në këtë hadith tregoi se dy muslimanë, kur takohen në rrugë ose diku tjetër, dhe njëri i jep tjetrit selam me shtrëngim duarsh, atyre u falen mëkatet para se të ndahen, qoftë fizikisht apo pas mbarimit të shtrëngimit të duarve.
- Shtrëngimi i duarve gjatë takimit është i pëlqyer dhe i rekomanduar.
- Munaviu ka thënë: "Suneti përmbushet duke e vendosur dorën e djathtë në dorën e djathtë (të tjetrit), kur nuk ka ndonjë pengesë."
- Ky hadith inkurajon përhapjen e përshëndetjes me selam dhe tregon shpërblimin e madh që merr muslimani kur shtrëngon dorën e vëllait të tij musliman.
- Shtrëngimi i duarve të ndaluara, siç është shtrëngimi i dorës me një grua të huaj (me të cilën nuk lejohet kontakti), përjashtohet nga kuptimi i këtij hadithi.
Burimi: HadeethEnc.com
