Nga Xherir ibn Abdullahu (Allahu qoftë i kënaqur me të!) përcillet se ka thënë: "I dhashë besën Profetit të Allahut (paqja qoftë mbi të!) për dëshminë se nuk ka të adhuruar tjetër veç Allahut dhe se Muhamedi është i dërguari i Tij, për faljen e namazit, dhënien e zekatit, dëgjimin dhe bindjen (ndaj të parit) dhe dashamirësinë ndaj çdo muslimani"
Muttefek alejhi
Shpjegimi dhe mësimet
Sahabiu Xherir ibn Abdullah (Allahu qoftë i kënaqur me të!) tregon se i ka dhënë besën Profetit (paqja qoftë mbi të!) se do të jetë monoteist, do të falë pesë namazet e detyrueshme të natës dhe të ditës, duke i plotësuar kushtet e tyre, gjërat e domosdoshme, gjërat e detyrueshme dhe gjërat që janë sunet në to. Si dhe se do të japë zekatin e detyrueshëm, i cili është adhurim monetar i detyrueshëm që i merret pasanikëve dhe i jepet nevojtarëve dhe të tjerëve që e meritojnë, si dhe se do të jetë i bindur ndaj udhëheqësve dhe dashamirës ndaj çdo muslimani, duke dëshiruar t'i sjellë dobi dhe t'i bëjë mirë dhe të largojë të keqen nga ai me fjalë dhe me vepra.
- Rëndësia e namazit dhe e zekatit, të cilët janë prej shtyllave të Islamit.
- Rëndësia e dashamirësisë ndërmjet muslimanëve, saqë për këtë Profeti (paqja qoftë mbi të!) i mori besën sahabëve (Allahu qoftë i kënaqur me ta!).
Burimi: HadeethEnc.com
