Enciklopedia e Haditheve · Shtazët dhe shpendët që janë të lejuara dhe ato të ndaluarat

Xhabir ibën Abdullahu (Allahu qoftë i kënaqur me të!) transmeton se, në Vitin e Çlirimit, e ka dëgjuar të Dërguarin e Allahut ﷺ në Mekë duke thënë: “Allahu dhe i Dërguari i Tij e kanë ndaluar shitjen e alkoolit, ngordhësirës, derrit dhe idhujve.” - O i Dërguari i Allahut, po dhjami i ngordhësirës? Me të lyhen anijet, i lyejmë lëkurat dhe njerëzit e përdorin për ndriçim, - e pyetën disa. - “Jo, ai është i ndaluar”, - tha i Dërguari i Allahut ﷺ dhe vazhdoi: - “Allahu i vraftë hebrenjtë! Kur Allahu ua ndaloi dhjamin e ngordhësirave, ata e shkrinë, e shitën dhe e hëngrën fitimin e tij.”

Ibn Abasi (Allahu qoftë i kënaqur me të) ka thënë: "I Dërguari i Allahut ﷺ ka ndaluar kafshët e egra që kanë dhëmbë shqyes dhe shpendët që kanë kthetra shqyese (ngrënien e mishit të tyre)."