وَٱلسَّمَآءِ ذَاتِ ٱلۡبُرُوجِ
Pasha qiellin me plot yje,
85. Buruxh
سورة البروج 22 ajetePërkthimi Sherif Ahmeti
Texhvid
بِسْمِ ٱللَّهِ ٱلرَّحْمَـٰنِ ٱلرَّحِيمِ
وَٱلۡيَوۡمِ ٱلۡمَوۡعُودِ
Pasha ditën e premtuar,
وَشَاهِدٖ وَمَشۡهُودٖ
Pasha atë që dëshmon dhe atë që dëshmohet!
قُتِلَ أَصۡحَٰبُ ٱلۡأُخۡدُودِ
Mallkuar qofshin ata të zotët e hendeqeve,
ٱلنَّارِ ذَاتِ ٱلۡوَقُودِ
Të zjarrit me plot lëndë djegëse,
إِذۡ هُمۡ عَلَيۡهَا قُعُودٞ
Kur ata rrinin ulur rreth tij,
وَهُمۡ عَلَىٰ مَا يَفۡعَلُونَ بِٱلۡمُؤۡمِنِينَ شُهُودٞ
Dhe dëshmonin atë që bënin me besimtarët.
وَمَا نَقَمُواْ مِنۡهُمۡ إِلَّآ أَن يُؤۡمِنُواْ بِٱللَّهِ ٱلۡعَزِيزِ ٱلۡحَمِيدِ
E nuk patën pse t'i urrejnë, përveç që e besuan All-llahun, ngadhënjyesin, të lavdëruarin,
ٱلَّذِي لَهُۥ مُلۡكُ ٱلسَّمَٰوَٰتِ وَٱلۡأَرۡضِۚ وَٱللَّهُ عَلَىٰ كُلِّ شَيۡءٖ شَهِيدٌ
Të cilit i takon sundimi i qiejve e i tokës; e All-llahu është dëshmitar i çdo sendi.
إِنَّ ٱلَّذِينَ فَتَنُواْ ٱلۡمُؤۡمِنِينَ وَٱلۡمُؤۡمِنَٰتِ ثُمَّ لَمۡ يَتُوبُواْ فَلَهُمۡ عَذَابُ جَهَنَّمَ وَلَهُمۡ عَذَابُ ٱلۡحَرِيقِ
Është e sigurt se ata që i sprovuan besimtarët dhe besimtaret dhe nuk u penduan, ata kanë dënimin e xhehennemit dhe dënimin e djegies.
إِنَّ ٱلَّذِينَ ءَامَنُواْ وَعَمِلُواْ ٱلصَّٰلِحَٰتِ لَهُمۡ جَنَّٰتٞ تَجۡرِي مِن تَحۡتِهَا ٱلۡأَنۡهَٰرُۚ ذَٰلِكَ ٱلۡفَوۡزُ ٱلۡكَبِيرُ
Ata që besuan dhe bënë vepra të mira, ata kanë xhennete nën të cilët burojnë lumenj, e ai është suksesi më i madh.*
Shënim i përkthyesit — Sherif Ahmeti
Dita e premtuar është Dita e Kijametit, ndërsa dëshmues janë pejgamberët që dëshmojnë për njerëzit. Por dëshmuese është edhe dita e xhumasë, e cila dëshmon se çka punojnë besimtarët në të, ose dita në Arafat, e ka edhe mendime të tjera. As-habi Uhdudë, ishin sundues që i mundonin besimtarët dhe i digjnin në hendeqe. Mendohet për një sundues persian, për një jehudi, ndërsa në një hadith, të cilin e transmeton Ahmedi, Muslimi, Nesaiu, thuhet se fjala është për një besimtar të ri dhe për një falltor. Hadithi është shumë i gjatë. Sidoqë të jetë kriminelë të tillë janë të mallkuar prej Zotit, pse i munduan besimtarët; të tillë ishin edhe idhujtarët mekas, të cilët i urrenin muslimanët për shkak se besuan një Zot.
إِنَّ بَطۡشَ رَبِّكَ لَشَدِيدٌ
Është e vërtetë se goditja e Zotit tënd është e fortë.
إِنَّهُۥ هُوَ يُبۡدِئُ وَيُعِيدُ
Në të vërtetë, Ai është që e fillon (krijimin) dhe e rikthen.
وَهُوَ ٱلۡغَفُورُ ٱلۡوَدُودُ
Ai është që falë mëkatet, është i dashur.
ذُو ٱلۡعَرۡشِ ٱلۡمَجِيدُ
Është i zoti i Arshit të madhëruar!
فَعَّالٞ لِّمَا يُرِيدُ
E punon atë që dëshiron.
هَلۡ أَتَىٰكَ حَدِيثُ ٱلۡجُنُودِ
A të ka ardhur ty lajmi i ushtrive,
فِرۡعَوۡنَ وَثَمُودَ
Të faraonit dhe të Themudit?
بَلِ ٱلَّذِينَ كَفَرُواْ فِي تَكۡذِيبٖ
Por, këta që mohuan (idhujtarët), vazhdojnë me gënjeshtër.
وَٱللَّهُ مِن وَرَآئِهِم مُّحِيطُۢ
Po All-llahu ata i ka rrethuar (nuk mund t'i shpëtojnë)!
بَلۡ هُوَ قُرۡءَانٞ مَّجِيدٞ
Përkundrazi, (ata që gënjejnë), ai është Kur'an i famshëm.
فِي لَوۡحٖ مَّحۡفُوظِۭ
Në një pllakë të ruajtur mirë (në Levhi Mahfudhë).
